Pig-inkaminar ni Presidente Ferdinand Marcos Jr.,an mga estudyante na gamiton nin tama an artificial intelligence (AI). Kumbinsido kaya an Presidene na makakatabang an AI sa proseso kan pagkanuod kan mga estudyante.
Inihayag ini kan Presidente mantang an Department of Education (DepEd), sa tabang kan ASEAN Foundation, inilunsar an Project AGAP.AI: The DepEd AI Program.
Nagtutubod an Presidente na makakatabang an AI sa publiko na hampangon an mas komplikadong mga hamon. Siringman, tinukoy kaini na igwa pa nin nagkapirang mga bagay na dae magigibo kan teknolohiya para sa mga tao.
Pigtawan duon man kan programa an commitment kan DepEd sa Quality Basic Education Development Plan (QBEDP) 2025-2035 sa paagi kan multi-stakeholder collaboration, kaiba an Project AGAP.AI na nagsisirbi komo sarong umbrella initiative para sa integrasyon pagbali kan artificial intelligence sa basic education.
Pag abot man sa national level, sinaysay kan Presidente na pinakikinabangan kan gobyerno an AI komo sarong ‘engine’ para sa development. Sinaysay kaini na sa paagi kan investment sa AI research and development, masisiguro na an teknolohiya ma-deliver nin real benefits mantang namamantinir an ethical asin responsible
