Nangenot an illegal vehicle turning, na inaapod man na moving violations sa Estados Unidos, komo pinaka-karaniwang traffic violation sa Metro Manila kan nakalihis na taong-2025, sigun sa Metropolitan Manila Development Authority (MMDA) kasuodma, Enero 10, 2026.
Basado sa report kan Traffic Ticket Management Division, panduwa sa listahan kan mga karaniwang pagbalgar an unattended illegal parking, kasunod an disregarding traffic signs, violation kan number coding scheme, asin attended illegal parking.
Kasabay kaini, pigpapautob an No Contact Apprehension Policy (NCAP) sa Metro Manila, kun saen an mga pagbalgar sa trapiko an naikurit gamit an closed-circuit television (CCTV).
Susurion man kan MMDA asin kan Land Transportation Office (LTO) an footage antes ideklarar na opisyal an sarong violation.
Mientrastanto, nagpromesa man si MMDA General Manager Nicolas Torre III na paliputon kaini an response time sa mga road crash sa limang minuto.
