Pigsunad ni Senator Jinggoy Estrada an Senate Bill No. 1071 o an “Anti-Red-Tagging Act” na obhetong ideklarar an red-tagging na sarong krimen na igwang kaakibat na padusa tanganing matuldukan na ini.
Sigun ki Jinggoy, an red tagging an bakong pagtatao nin label o bansag kundi sarong huma na kadalasang nagigin rason kan harassment, pagbalgar sa karapatang pantao, asin rason sa paggadan kan mga aktibista, mamamayahag, community leaders asin ordinaryong mamamayan.
An prosopwestong Senate Bill No. 1071 an naka-angkla sa desisyon kan Korte Suprema sa kasong Deduro v. Maj. Gen. Vinoya, kun saen pigbisto kan korte na an red-tagging, paninirang puri, asin salang pagle-label an nagbubugtak nin peligro sa buhay, kalayaan asin seguridad kan sarong tawo.
Obheto kan prosopwestong bistuhon asin ipalaog sa ley na an red-tagging tanganing matawan nin proteksiyon an mamamayan konta sa bakong makatarungang pananakot, panggigipit, o pag-uusig.
Mantang pigmamawot man kan pigbubusol na prosopwesto an pagpapataw nin 10 taong pagkakakulong asin habambuhay na pagbabawal sa pagkapot kan anumang posisyon sa gobyerno an sisay man na mapatotoohang magbalgar sa ley.
