Sinaysay ni Senate President Pro Tempore Panfilo “Ping” Lacson na pwede munang bawion an subpoena kontra ki dating Department of Public Works and Highways (DPWH) Secretary Manuel Bonoan kun mapatotoohang totoo na naghagad ini sa Department of Justice (DOJ) na magtinir pa nin sarong bulan sa Estados Unidos.
Sigun ki Lacson, komo Chairperson kan Senate Blue Ribbon Committee, makikipag-koordinar ini sa DOJ tanganing berepikahon an apelar ni Bonoan.
Kun napatunayang totoo, paramientras na iaatras an subpoena, alagad kun dae ini makumpirmar, mapadagos an pagsisirbi nin subpoena asin matinir an posisyon kan komite.
Dugang pa kan senador, pwedeng ipa-contempt si Bonoan kun dae pigtugotan na mag-extend kan pagtinir sa US asin mabigo ining mag-atendir sa pagdangog kan Blue Ribbon Committee sa Enero 19, katakod pa man kan mga soboot anomalya sa flood control projects.
Mientrastanto, sinaysay man ni Philippine Ambassador to United States of America Jose Manuel Romualdez na nasa California pa man si Bonoan asin nagpromesang mabweltada sa nasyon sa Pebrero 15.
Naghagad soboot an dating opisyal kan DPWH na magtinir pa sa US huli sa operasyon kan agom kaini sa mata.
Katakod kaini, sinaysay ni Lacson na pwedeng isaalang-alang kan Blue Ribbon Committee an rason ni Bonoan na makatawong aspeto asin halation an saiyang pagbweltada sa Pebrero 15 tanganing magpaliwanag kan saiyang kampo sa pagsumiter kan salad grid coordinates sa Malacañang.
Mantang marurumduman man na pinirmahan na ni Senate President Vicente Sotto III an subpoena ad testificandum kontra ki Bonoan asin iba pang indibidwal na mawot mang ipaapod kan komite sa masunod na pagdangog.
