Halangkaw an moral ni Alex Eala sa pig-aabangang debut kaini sa Australian Open women’s singles saaga sa Melbourne, Australia.
Kaya man optimistiko an 20-anyos Pinay netter sa magigin ratsada kaini sa Australian Open.
Ini an enot na pagkakataon na mahihiling si Eala sa main draw kan Australian Open.
Nakatalaan kaining makahampang si Alycia Parks kan Amerika na beterano na man sa WTA Tour.
Aminado si Eala na dae magigin madali an laban kaini alagad mas lamang an excitement sa saiyang debut sa Melbourne.
Marurumduman bigo si Eala na makalaog sa main draw kan Australian Open kan nakalihis na taon makalihis yumuko sa saiyang laban sa qualifying event.
Alagad nagbukas nin pintuan para ki Eala an semis stint kaini sa Miami Open tanganing umangat ini sa WTA rankings.
Huli sa saiyang magayon na puwesto sa WTA list, nakasiguro na ini kan silya sa main draw kan French Open, Wimbledon asin US Open kan nakalihis na taon.
Huli sa saiyang Australian Open campaign, dae mahihiling si Eala sa kaenot-enoteng WTA event sa Pilipinas — an Philippine Women’s Open.
Haros magkasabay an Australian Open asin Philippine Women’s Open.
Siringman, maogma si Eala na nautob na an pangarap kaining magkaigwa nin WTA event sa Pilipinas.
