Aram baya nindo mga ka-bombo, nakapagrehistro nin bagong Guinness World Record si Daisy Ptak, sarong 39-anyos na ina gikan sa California, U.S.A., para sa “longest crocheted scarf by an individual.”
An saiyang obra an nag-abot sa 981 feet asin 11 inches an laba haros kasinglaba kan sarong cruise ship.
Nagpuon si Daisy sa proyektong ini kan Pebrero 2023, sarong taon makalihis na manudan an paggagantsilyo komo alternatibo sa labi na paggamit nin gadgets.
Sa kabilugan, naggastos ini nin labi $1,000 sa yarn, alagad dakula an naitabang kan mga donasyon gikan sa pamilya asin mga amigo tanganing maisakatupadan an saiyang obheto.
Makalihis na pormal na bistuhon an saiyang world record, dae kaini pigkait an trayumpo kun saen saiyang pigheras an mga seksiyon kan scarf komo regalo, donasyon, asin pigsubasta para sa mga charitable causes.
An trayumpo ni Daisy Ptak an patotoo na sa paagi kan tiyaga, sining, asin malasakit, posibleng mapuli sa sarong simpleng libangan sa pankinaban na pagbisto asin makabuluhang pagtabang sa iba.
