Liwat pighamon ni dating Senator Antonio Trillanes si Senator Ronald Dela Rosa na boluntaryo nang hampangon an mga alegasyon sa saiya sa International Criminal Court (ICC) sa The Hauge, Netherlands.
Hamon kan dating lehislador ki Dela Rosa na magpasiring na ini sa The Hauge asin ibahan o bisitahon si dating Presidente Rodrigo Duterte na presenteng nakakulong sa ICC Detention Centre.
Mainam man ini tanganing malinawan kun igwa talagang warrant of arrest na pigluwas an korte kontra sa saiya.
Puon Nobyembre 2025, dae na nagpahiling sa publiko an dating Philippine National Police (PNP) chief kasunod kan impormasyong igwa nang warrant kontra sa saiya.
Payo ni Trillanes sa dating heneral kusang-buot nang magpasiring sa The Hauge asin kumpirmahon ini, o ibahan na sana duman an dating Presidente asin patotoohan kun totoo an pigpahiling kaining pagpadaba asin suporta.
Dugang pa ni Trillanes, dae makatwiran na bayaan ni Dela Rosa an dating Presidente huli ta kapit-tuko an mga ini kan Presidente pa si Duterte.
