Pigkokonsederar kan Pre-Trial Chamber I kan International Criminal Court (ICC) na “fit to take part in the pre-trial proceedings,” si dating Presidente Rodrigo Duterte.
Ini an basado sa medical assessment kan tolong independent experts na nagsagibo nin medical examination ki Duterte.
Huli digde, pigtalaan an confirmation of charges hearing sa February 23.
Marurumduman kan nakalihis na March 11, 2025, naarestrar si Duterte makalihis na mag-abot gikan sa Hong Kong, kasunod kan arrest warrant na pig-isyu kan ICC katakod sa war on drugs kan saiyang administrasyon.
Tolos ining dinara sa The Hague, Netherlands, kun saen makukua an ICC headquarters,tanganing hampangon an formal proceedings.
Pigpurbaran kan defense team ni Duterte na ipauktaba an hearings huli sa soboot isyu sa salud kan dating Presidente. Komo kasimbagan, nagtalaga an korte kan independent medical experts tanganing surion an saiyang kondisyon.
Kan December 2025, pigluwas kan experts an saindang findings, asin basado sa resulta, si Duterte an medically fit to stand trial asin pigsayumahan an claims kan mental impairment.
