Inimbitaran ni Ukraine President Volodymyr Zelenskyy si Russian President Vladimir Putin para sa pag-uulay sa Kyiv kun talagang mawot kaini.
Sigun sa Ukraine President na preparado ini sa anuman na klase kan pag-uulay alagad dae ini mapasiring sa Russia o Belarus siring kan imbitasyon sa Kremlin.
Dugang pa kaini na napaka-imposible sa saiya na magpasiring sa Russia para sa pag-uulay siring man ki Putin na magpasiring sa Kyiv kaya pig-angat na sana kaini ining magpasiring man sa Ukraine.
Hurot kaini na nangengenot an Russia na maglunsar nin giyera kun saen kasabwat kaini an nasyong Belarus.
Marurumduman na kan nakalihis na semana, nagsagibo nin pag-uulay an duwang nasyon na ginanap sa Abu Dhabi mantang pigtalaan man sa aldaw nin Domingo an ikaduwang peace talks na papangenotan kan US.
