SISIKAPON ni Filipina tennis star Alexandra “Alex” Eala na magayon an pagpuon kan Middle East swing sa Abu Dhabi Open, kun saen saiyang hahampangon an pamilyar na kalaban na si Zeynep Sonmez kan Türkiye sa Round of 32 na nakatalaan sa Lunes.
Daena bago ki Eala an makakahampang na si Sonmez. Dduwang beses na sindang naghilingan sa singles competition kan saindang ITF days asin parehas na nagtapos sa kapangganahan para sa Filipina.
Enot sindang nagtagpo sa ITF France 22A kan Nobyembre 2023, pgsunudan kan liwat na paghahampangan sa Eastbourne Open kan Hunyo 2024, kun saen liwat na nanggana si Eala.
Nagkahampang man an duwa komo doubles opponents sa ITF Luxembourg kan Nobyembre 2023 asin sa ITF Slovakia kan 2024, na orog na nagpapapusog sa saindang pagiging pamilyar sa kada saro.
Apwera sa singles, masabak man si Eala sa doubles event, kun saen saiyang makakatabang an kaparehas na Southeast Asian standout na si Janice Tjen.
Sa saindang enot na laban, makakahampadang ninda an tambalang pigbibilog ninda Leylah Fernandez kan Canada, na igwang dugong Pilipino, asin Kristina Mladenovic kan France.
Naabot ni Eala an rurok kan trayumpo sa sarong makasaysayang homecoming sa Philippine Women’s Open, kun saen enot na beses ining nakipagkumpitensya sa Pilipinas.
