Laog na sa singles quarterfinals kan Abu Dhabi cup si Pinay tennis star Alex Eala.
Ini an makalihis na malusutan an three-set games kontra ki World number 109 na si Aliaksandra Sasnovich kan Belarus.
Nakua kan Pinay tennis star an kumpiyansa sa laog nin tolong set sa score na 2-6, 6-4 asin 7-6.
Sa enot na set, nagin agresibo an Belarusan tennis player.
Paglaog kan ikaduwang set, nakontrol ni Eala an kawat kaya nag-abot nin three set.
Nagin huma para sa 20-anyos na si Eala an ikatolong set huli sa mga late error kaini alagad saiyang nalampasan ini makalihis an kawat sa error na nakua kan Belarusan tennis player.
Mientrastanto, sunod man na makakahampang ni Eala si Ekaterina Alexandrova kan Russia na iyong ranked number 11 kan Women’s Tennis Association.
