Binatikos kan human rights advocates an soboot delaying tactic kan kampo ni dating Presidente Rodrigo Duterte tanganing mauntok an paglilitis sa saiya sa International Criminal Court (ICC).
Sa sarong statement, inihayag kan Duterte Panagutin Network na nakabase sa Europa na bako ng bago sa sainda an mga pulitiko na piggagamit an problema sa salud tanganing matakasan an paglilitis asin pagkakakulong.
Dugang pa kan grupo na nagdesisyon na an ICC na “fit” an dating Presidente na maghampang sa pre-trial proceedings.
An pagkwestiyon soboot kan kampo ni Duterte sa nasambitan ng desisyon an panibagong taktika tanganing palabaon pa an napauktabang justice process.
Ginibo kan grupo an pahayag kasunod kan pigsunad kan lead counsel ni Duterte na si Nicholas Kaufman na duwang bagong apelar sa international tribunal.
Kaibahan digde an apelar sa nagin desisyon kan ICC Pre-Trial Chamber I na nagdedeklarar na fit an dating Presidente na makiparte sa pre-trial proceedings siring man nagsunad an depensa nin apelar katakod sa desisyon kan pre-trial judges na nagmamandato sa padagos na pagkakakulong kan former president.
