Dae mapirma si Sen. Robinhood Padilla sa report kan Senate Blue Ribbon Committee katakod kan soboot anomalya sa flood control projects, kasunod kan nagin posisyon ni Minority Leader Alan Peter Cayetano.
Sigun ki Padilla, susuportaran kaini an suhay na report kan minority bloc, na dae man pirmado ni Cayetano.
An draft Blue Ribbon report an nagrerekomendar nin pagsusunad kan criminal asin administrative charges kontra ki Sen. Francis Escudero, Sen. Joel Villanueva, asin Sen. Jinggoy Estrada.
Piglinaw kaini na sa minority report, mayong pigluwas na findings kontra ki Escudero asin Estrada.Kaipuhan soboot na pusog sinda sa minority.
Kun ano desisyon kan minority floor leader, masunod an mga miyembro kaini. Alagad pigtawan duon kan opisyal na libredo an siisay man na senador na magpirma sa report kun mamawoton kan mga ini.
Mientrastanto, liwat na pinapusog ni Padilla an saiyang katapatan sa Duterte bloc asin sinaysay na mayo ining plano na magbalyo sa majority.
Pigsaysay man ni Sen. Raffy Tulfo, na kabali sa majority, na dae pa kaini napipirmahan an draft report huli ta dae pa dagusang nababasa.
Sigun ki Tulfo, nag-aabot sa poco mas o menos 400 na dahon an report.
