Kabaliktaran kan naenot na pahayag ni Mariel Padilla na posibleng dai na magkandidato sa eleksyon sa 2028, sa pulitika si Senator Robin Padilla tianawan duon kaini na dai pa an agom mag-reretiro sa politika.
Sa sarong podcast ni Senator Imee Marcos kan Mayo 16, nanindugan si Mariel na may misyon pa an saiyang agom sa gobyerno asin sa mga adbokasiya na saiyang pinunan.
Lininaw man ni Mariel na an saiyang naenot na pahayag manungod sa “dai sinda maninigo saiya” nanonongod sa mga tawong nagtataram nin negatibo manungod sa saiyang agom bilang sarong lehislador.
Magigirumduman na dati nang sinabi ni Senator Robin na plano niyang magrayo sa pulitika asin maghale sa nasyon huli sa pagkadisganar kaini sa sistema.
Alagad, kan huri binawi niya ini asin sinabi na pwede siyang magdalagan para sa mas halangkaw na posisyon, arog kan bise presidente, kun hagadon saiya ni dating Presidente Rodrigo Duterte.
Bistado si Padilla komo saro sa mga maigot na suportador ni Duterte, na presenteng nag-aatubang nin kaso sa International Criminal Court (ICC) huli sa mga kaso na Crimes Against Humanity.
