Pig-apod ni Department of Foreign Affairs (DFA) Secretary Ma. Theresa Lazaro na parte nin ribok kan demokrasya an mga pahayag kan nagkapirang lehislador katakod kan isyu sa West Philippine Sea (WPS).
Pigsaysay ni Lazaro na dae ini magkokomento sa mga diskusyong ginigibo kan mga lehislador asin pigtawan duon na an pokus kan DFA an mga konkretong ulayan kan foreign policy.
Nagluwas an pahayag ni Lazaro sa tahaw kan mga kontrobersiyal na komento kan nagkapirang opisyal sa WPS, kabali na an soboot pahayag ni Sen. Rodante Marcoleta dapit sa Kalayaan Island Group, na pigpahimutikan man kan senador komo salang interpretasyon.
Mientrastanto, nangapudan si Sen. Erwin Tulfo nin “ceasefire” sa ribayan kan mga maaanghang na pahayag kan mga opisyal kan Pilipinas at China.
Pigtawan duon man kan DFA na dapat maghiro an mga Chinese diplomats sa sarong “professional manner” sa pagluluwas kan saindang mga pahayag sa WPS.
