NAGA CITY- Nagpuon na an Naga City Sports Stakeholders Summit 2026 ngunyan na aldaw asin madurar hasta sa aga February 17, 2025.
Sa nagin paghampang sa mga kagawad kan media ni Nanie Suron, Esso Chief, sinaysay kaini na sa nasambitan ng aktibidad na pigkundusir sa PAGCOR Building pig-imbitaran an mga Olympians asin mga lokal na gobierno na marhay an programa sa lado kan karawat.
Sigun pa ki Suron, obheto kan programa na ini na makabilog nin sarong sports development na magagamit kan Naga sa maabot na tolo hasta limang taon.
Katakod digde, magkakaigwa nin session sa duwang aldaw na aktibidad kun saen bibilugon o papag-ulayan an planning asin mapping, break out session katabang an public, private na trainors asin iba pang katabang na opisina o indibidwal.
Apwera digde, pag-uulayan man an dapit sa paggamit nin pondo orog na ta limitado o kulang an budget na igwa an lado kan karawat sa siyudad nin Naga.
Dapat na magamit an pondo sa ikakarahay asin kaipuhan kan mga kaakian sa saindang pagsabak sa mga torneo.
Mientrastanto, an 5 years sports development program na ini an magigin giya kan siyudad sa pag-implementar kan mga sports program tanganing maabot an obheto na sa maabot na panahon magkakaigwa nin Olympian na gikan sa Naga City.
Sa ngunyan, piglalaoman kan opisyal na magigin matrayumpo an nasambitan ng duwang aldaw na aktibidad,
