Target kan Kamara na maibali an prosopwestong Anti-Political Dynasty Law komo saro sa mga primerong maipag-oorgulyong trayumpo sa maabot na State of the Nation Address (SONA) ni Ferdinand Marcos Jr. sa Hulyo.
Sigun ki Lanao del Sur 1st District Rep. Zia Alonto Adiong, chairman kan House Committee on Suffrage and Electoral Reforms, “number one priority” an prosopwesto sa listahan kan Legislative Executive Development Advisory Council (LEDAC), kaya pigmamadali ining maipasa antes an lenten break kan Kongreso.
Alagad maski igwang probisyon sa 1987 Constitution kontra sa political dynasties, mayo pang naipasang enabling law an Kongreso sa nakalihis na haros apat na dekada.
Advertisement
