Aminadong an Filipina tennis superstar na si Alex Eala na kadakol pa ining kakakanong bagas antes dagusang makasabay sa mga pinakamahusay na parakawat sa kinaban kan tennis makalihis an saiyang 6-0, 6-2 na pagkadaog ki Coco Gauff sa quarterfinals kan Dubai Duty Free Tennis Championships.
Basado sa report, magkakaigwa ini nin kadakol na tyansa na ihasa an saiyang kakayanan sa totoong laban, huli ta piglalaomang tatawan ini nin wild card sa pirang tournament kun saen dae ini automatic qualifier sa main draw.
Huli sa gulpi kan mga Pilipinong tagahanga na nag-aatendir sa saiyang mga laban, nagbilog an organizers nin iskedyul tanganing mas madalas ining maibugtak sa center court — sarong lakdang na pinuonan pa kan nakalihis na Australian Open makalihis na ma-criticize an venue kan saiyang singles match.
Si Eala, co-winner kan Philippine Sportswriters Association Athlete of the Year kaibahan si gymnast Carlos Yulo, an nakapano kan mga venue kan torneo, rason tanganing isaalang-alang kan organizers an pagtatao sa saiya nin direct entry sa nagkapirang events.
Sa presente, ika-apat na ranked sa kinaban si Gauff.
Alagad kan nakalihis na taoan, napatunayan kaini na bakong imposible tanganing daugon ni Eala an mga giants, kaibahan an nakamamanghang kapangganahan kaini kontra ki Iga Swiatek sa Miami Open.
