Posibleng makasagupa kan Pinay tennis star na si Alex Eala, an nagkapirang pamilyar na kalaban sa Wuhan Open.
Kasunod kan draw kan Sabado, igwa nin posibilidad na makasagupa niya an Filipino-Canadian tennis star na si Leylah Fernandez asin an world number 3 na si Jessica Pegula.
Kakahale pa sana si Eala sa WTA1000 bilang 13th seed asin pihahalat niya an saiyang makakalaban sa enot na round kan torneo.
Nasa Section 4 an Pinay tennis star kun sain posibleng makasagupa niya si Fernandez kun manggana ini kontra ki Ekaterina Alexandrova.
Nagkasagupa na si Eala asin Fernandez sa Round of 16 kan Mubadala DC Open kun sain nanggana si Eala sa score na 6-2, 7-6(1).
Posibleng sa ikatulong round kan torneo, makasagupa niya an American tennis star matapos na makalaog ini bilang seed number 2.
Pareho nang igwa nin sarong gana asin sarong talo si Eala asin Pegula sa duwang beses na sinda nagkasagupa.
