Nagpaluwas nin advisory an Phivolcs ngunyan na aldaw, katakod kan paglangkaw kan seismic activity sa Bulkan Bulusan sa Sorsogon.
An Bulusan Volcano Network nakarekord na nin 49 na volcanic earthquake poon kan Pebrero 26 kun saen 16 kaini an volcano-tectonic related sa rock fracturing sa irarom kan bulkan.
Sa ibong kaini, an bulkan nagtitinir sa Alert Level 0, na an boot sabihon mayo nin nahihiling na banta nin magmatic eruption.
Alagad, an pagpapakusog kan hydrothermal processes pwedeng magkawsa nin steam-driven o phreatic eruption.
Maluya hanggang katamtaman lamang an degassing activity gikan sa summit crater asin active vents, asin napakababa kan sulfur dioxide emission.
Pinapagirumduman an publiko na iwasan an laog kan 4-kilometer radius Permanent Danger Zone huli sa peligro kan phreatic eruption, rockfall, asin landslides.
Pigsugo na man an mga local government units na ipreparar an saindang emergency plans sakaling itaas sa Alert Level 1 an status kan bulkan.
Sinugo man an civil aviation authorities na iwasan an paglupad mharani sa summit huli sa pwedeng maging delikado sa aircraft an abo.
Padagos na binabantayan kan DOST-PHIVOLCS an kondisyon kan Bulusan Volcano asin tulos na ipig-paabot na an anumang bagong impormasyon.
