Mapoon an U.S. Navy na mag-escort nin mga oil tanker sa Strait of Hormuz kun kaipuhan sigon ki Presidente Donald Trump kan Estados Unidos kan nakalihis na Martes.
Kasabay kaini, pinagbotan niya an U.S. International Development Finance Corporation (DFC) na magtao nin seguro sa peligro sa politika asin mga garantiya pinansyal para sa komersyo sa dagat kan naunambityang Gulpo.
Saro ini sa pinakamatibay na lakdang kan saiyang administrasyon tanganing pugulan an paglangkaw kan presyo kan petrolyo mantang nagdadakula an tensyon sa middle East na nakakaapektar sa mga kargamento nin petrolyo.
An lakdang parte man kan katuyuhan ni Trump na papagdanayon na hababa an gastos sa gasolina sa Estados Unidos, gamit an kombinasyon kan mga kasangkapan pinansyal asin militar.
