Lininaw kan Department of Education (DepEd) na dae sakop kan apat na aldaw na work week kan gobyerno an klase sa mga pampublikong eskwelahan sa nasyon.
Segun ki Education Secretary Sonny Angara, mga opisina sana kan DepEd an sakop kan apat na aldaw na work week.
Sinabi niya na an mga estudyante sa mga pampublikong eskwelahan magdadanay na nag-aatender sa laog nin limang aldaw.
Enot kaini, pig-anunsyo ni President Ferdinand Marcos Jr. na poon sa Lunes, Marso 9, ma-implementar na an saindang ahensya nin 4-day work week sa irarom kan executive branch.
Katuyuhan kaini na makatipid nin enerhiya asin kuryente asin bilang preparasyon sa posibleng paglangkaw kan presyo kan lana huli sa tensyon sa Middle East.
Nagkapirang report an nagluwas na an DepEd ma-implementar nin apat na aldaw na work week.
Mientrastanto, nagpaluwas man nin direktiba an Angara sa mga pampublikong eskwelahan na magsagibo nin simple alagad makahulugan na graduation asin promotion ceremony para sa mga estudyante sa pagtapos kan school year.
Makakatabang ini na maibitaran an dagdag na gastos para sa mga magurang asin mga paraataman.
