Pinahimutikan kan Palasyo Malacañang an mga nagkukuriyat na impormasyon na si Henry Aguda an sasalidahan komo sekretaryo kan Department of Information and Communications Technology (DICT).
Segun ki Claire Castro, Palace press officer, daeng basehan an report na pigkokonsiderar si dating tagapagtaram kan presidente na si Edwin Lacierda bilang kasalida ni Aguda.
Si Aguda nagin sekretaryo kan DICT kan Marso 2025.
Durante kan saiyang pagtukaw, an ahensya nag-atubang nin nagkapirang isyu, kabali an mga isyu sa pagkua asin panlaog na pamamahala.
Imbwelto man an saiyang pangaran sa mga alegasyon nin budget insertions, arog kan soboot P5 bilyon na itinagama sa Free Public Internet Access Fund kan DICT asin P1.5 bilyon para sa iba pang programa.
Alagad, pinahimutikan ni Aguda an mga alegasyon.
