Pormal nang piglansar kan Pilipinas asin Estados Unidos an taonan na “Cope Thunder” joint air exercises sa Clark Air Base, na madurar sagkod Abril 17, mantang an flight operations gigibuhon sa Basa Air Base.
Segun sa Philippine Air Force, may katuyuhan an exercise na mas mapakusog pa an interoperability asin readyness kan duwang pwersa, urog na sa tahaw kan nagpapadagos na tensyon sa West Philippine Sea.
Alagad, may mga aktibidad na naapektaran huli sa pankinaban na krisis sa lana na dara kan pagbara sa Strait of Hormuz.
An mga “non-essential” na aktibidad arog kan flybys hinale na asin binawasan na an mga tawohan, mantang an iba pang mga aktibidad pigkokondusir na online.
Sa ibong na lado, pigduon kan US Pacific Air Forces na importanteng ipadagos an ehersisyo ngani na mas mapakusog pa an relasyon kan Pilipinas asin kan Estados Unidos.
