Buminagsak an Remittances kan Overseas Filipino Workers (OFW) sa siyam na bulan na pinakahababa kan Pebrero, alagad an kabilogan na pondo na naglalaog sa nasyon ngonian na taon nagdadanay na mas halangkaw.
Base sa datos na pinaluwas kan Bangko Sentral ng Pilipinas (BSP) kan Miyerkules, an mga cash remittances o mga remittances na nag-agi sa mga bangko kan Pebrero uminabot sana sa $2.786 billion (₱167.08 billion).
Mas hababa ini kun ikokomparar sa $3.020 bilyones (₱181.11 bilyones) na nairehistro kan Enero. Ini an pinakahababang lebel na nairehisto poon kan Mayo 2025. Alagad, ini mas halangkaw nin kadikit kumpara sa $2.716 bilyon na naitala kan Pebrero kan nakaaging taon.
Sa total na cash remittances para sa bulan, $2.25 bilyon hale sa mga trabahador na nakabase sa daga, mantang an mga trabahador na nakabase sa dagat nagkontribwir nin $0.53 bilyon.
Sa ibong kan pagbaba kan Pebrero, an BSP nagbareta na an taon-sagkod ngunyan na mga cash remittances sa enot na duwang bulan kan taon nakaabot pa man giraray sa $5.806 bilyon (₱348.19 bilyon)—mas halangkaw kisa $5.633 bilyon sa parehong panahon kan 2025.
