Inaasahang makararanas ng pag-ulan ang malaking bahagi ng Pilipinas ngayong Miyerkules, Abril 22, dahil sa easterlies na nakaapekto sa Southern Luzon, Visayas, at Mindanao, at localized thunderstorms sa iba pang bahagi ng bansa.
Ayon sa weather forecast, ang Metro Manila, CALABARZON, MIMAROPA, Bicol Region, Visayas, at Mindanao ay magkakaroon ng bahagyang maulap hanggang sa maulap na kalangitan na may kalat-kalat na pag-ulan o thunderstorms dulot ng easterlies.
Samantala, ang nalalabing bahagi ng Luzon ay inaasahang makakaranas din ng bahagyang maulap hanggang maulap na kondisyon ng panahon na may isolated rainshowers o thunderstorms dahil sa localized thunderstorms.
Nagpaalala ang mga awtoridad sa publiko na maging alerto sa posibleng biglaang pag-ulan at pagbaha, lalo na sa mga mabababang lugar at mga lugar na madaling tamaan ng landslide.
