Padagos an pakikoordinar kan DMW sa manlaen-laen na ahensya tanganing mapakusog an post-repatriation assistance sa mga nag-uuli na OFWs

Pigsierto kan Department of Migrant Workers (DMW) na padagos an saindang pakikipagkoordinar sa manlaen-laen na ahensya kan gobyerno ngani na mas mapakusog an post-repatriation assistance para sa mga returning Overseas Filipino Workers (OFWs).

Kabali digdi an profiling, skills assessment, job matching, livelihood assistance, asin National Reintegration Network Job Fairs sa manlaen-laen na probinsya.

Tinawan doon kan DMW na an saindang pokus bako sana sa ligtas na pag-uli, kundi pati na sa pagrahay asin bagong pagpoon kan mga repatriates kaiba an saindang mga pamilya.

Sa pinakahuring report kan DMW, labi sa 10,000 na mga Pinoy an na-repatriate hale sa Middle East.

Kabali digdi an mga dependents kan mga OFWs asin bakong OFWs.