Posibleng mag request si Acting Senate President Sherwin Gatchalian nin Special Senate session ki Presidente Ferdinand Marcos Jr., para sa mga naantalang mga legislative agenda huli sa sunod-sunod na pagsalida nin liderato sa Mataas na Kapulungan ng Senado kan mga nakaaging semana.
Segun ki Gatchalian, presenteng tinatapos ninda an listahan kan mga panukalang batas asin mga appointment na dai naaasikaso enkaso aprobaran an special session kan Palasyo.
Kabali sa tinututukan an kumpirmasyon kan nagkapirang opisyal kan Armed Forces of the Philippines (AFP), partikular an limang heneral na pwede suboot maapektuhan kan pagkaantala kan Commission on Appointments (CA) deliberations.
Segun pa sa Acting Senate President, bako sana ining pag-urulay kan Administrative Delay kundi kan aktuwal na epekto sa operasyon kan gobyerno, lalo na sa hanay kan mga uniformed personnel na naghahalat nin kumpirmasyon kan promosyon.
Sa irarom kan pinapautob na sitwasyon, dai pa man giraray ganap na nabibilog an Commission on Appointments (CA) asin nagkapirang Senate committees, kasunod kan pirang beses na pagbabago sa liderato kan Senado magpoon kan Mayo hasta Hunyo.
Huli digdi, nagkukusog an pangapodan sa laog kan nagkapirang sektor kan Senado na gamiton an kapangyarihan kan Pres. na magpaapod nin special session tanganing maipagpadagos an nakabinbin na trabaho kan lehislatura.
Segun sa Malacañang, bukas si Presidente Marcos sa lakdang na ini kun igwa nin pormal na kahagadan gikan sa Senado asin malinaw na listahan kan urgent agenda.
