Tinawang-duon ni House Trial Spokesperson asin Lanao del Sur Rep. Zia Alonto Adiong na dae dapat tugutan an political criticism asin misinformation na maka-derail sa constitutional accountability process para sa maabot na impeachment trial ni Bise Presidente Sara Duterte.
Aminado si Adiong na grabeng kritisismo an inaatubang niya huli sa saiyang pagsuporta sa impeachment, partikularmente sa Mindanao kun sain popular an Bise Presidente, alagad mantinido kaini na obligasyon niya na i-uphold an Constitution.
Ipigdepensa man ni Adiong an lakdang kan Kamara na i-impeach si Duterte, na basado ini sa ebidensya asin testimonya kan mga testigo manungod sa mga pagbalgar kan ley asin pagtraydor sa tiwala kan mga tawo.
Pinahimutikan man kan mambabatas an mga akusasyon kontra saiya na may katuyuhan suboot na pasilensyohon ini.
An Senate pre-trial conference para sa kaso ni Duterte nakatalaan sa Hunyo 18, kun sain ipresentar kan prosecution asin depensa an saindang mga ebidensiya asin mga testigo antes an pormal na paglitis.
