Pinahimutikan nina Vice Ganda asin Zeinab Harake an mga paratang na nakakua umano sinda nin dakulang bilang kan tiket para sa concert kan BTS na pinaagi sa espesyal na koneksyon.
Naging uruurulay ini sa social media platform matapos akusaran kan nagkapirang netizens an mga celebrities asin influencers na umano’y nakareserba o nakakuha nin kadakul na tiket para sa inaabangan na pagbalik kan sikat na K-pop group sa Pilipinas.
Nagpoon an kontrobersiya kan magluwas sa social media an mga reklamo kan nagkapirang BTS fans na dae nakabakal nin tiket huli ta marikas ining naubos. Huli kaini, may mga netizens na nagduda na may mga tiket na itinago o inireserba para sa mga bistadong personalidad asin influencers.
Nadawit sa isyu si Vice Ganda matapos maglakop an alegasyon na nakakua umano siya nin 50 tiket. Alagad, pinahimutikan ini kan comedian-host asin sinabi niyang mayo nin basehan asin katotoohan an mga akusasyon laban sa saiya.
Pinahimutikan man ni Zeinab Harake an mga akusasyon.
Sigun sa content creator, yaon siya ngunyan sa Europa asin mayo siyang ano man na partisipasyon sa sinasabing ticket hoarding.Dugang pa ni Zeinab, kun posible man na makabakal siya nin siring kadakul na tiket, mas pipilion niyang ipananao ini sa mga tunay asin dedikadong BTS ARMY fans.
Sa ngunyan, mayo pang ipilaluwas na ebidensiya na nagpapatunay sa mga alegasyon laban kina Vice Ganda asin Zeinab Harake.
Nakatakdang ikondusir kan BTS an saindang duwang banguing konsiyerto sa Philippine Arena sa Marso 13 asin 14 sa masunod na taon.
