Padagos an pagbantay kan Philippine Atmospheric, Geophysical and Astronomical Services Administration (PAGASA) sa Super Typhoon Bavi, na nagdadanay sa luwas kan Philippine Area of Responsibility (PAR) poon alas 5:00 nin aga kan Lunes.
Segun sa PAGASA, huring nahiling an bagyo sa 2,355 kilometros sa sirangan kan Southern Luzon. Ini nagdadara nin maximum na sustenido na duros na 215 kilometros por ora asin gustiness na maabot sa 265 kilometros por ora, mantang naghihiro ini pa-norte-sulnupan sa rikas na 15 kilometros por ora.
An state weather bureau naglalaom na an bagyo makalaog sa PAR sa amay na aga kan Miyerkules, kun saen ini ngangaranan na Bagyong Inday.
Mientrastanto, sinabi kan weather bureau na an ridge kan high pressure area na nakakaapektar sa pinaka-norteng parte kan Luzon an magdadara nin kadaklan malinaw asin mara na panahon sa nasyon ngonian na aldaw.
Alagad, pwedeng maeksperyensiyahan pa man giraray an mga isolated na pag-uran asin pagkikilat-pagdaguldol huli sa makuring init.
An Metro Manila asin iba pang parte kan nasyon makaeksperyensya nin medyo mapanganuron sundo sa mapanganuron na kalangitan na may pulo-pulong mga pag-uran o pagkikilat-pagdaguldol dara kan localized thunderstorms.
Nagpatanid man an PAGASA sa publiko na mag-ingat sa posibleng pagbaha asin pagrasay kan daga sa mga lugar na posibleng makaeksperyensya nin makusog na pagkikilat-kilat.
