Sinimulan na ng kampo ni Vice President Sara Duterte ang cross-examination sa testigo mula sa National Bureau of Investigation (NBI) sa nagpapatuloy na pagdinig.
Gayunman, bago pa man makapagsimula ng pagtatanong si Atty. Carlo Narvasa, agad na nagpahayag ng pagtutol si Atty. Amando Ligutan sa paraan ng pag-cross-examine ng depensa.
Kinuwestiyon ni Ligutan ang direktiba ni Narvasa na ang testigo ay sasagot lamang ng “oo” o “hindi” sa bawat tanong at papayagan lamang magbigay ng paliwanag kapag siya na mismo ang nagsabi.
Ayon kay Ligutan, maaaring malimitahan ng naturang pamamaraan ang kakayahan ng testigo na makapagbigay ng kumpleto at tamang paliwanag sa kanyang mga sagot.
Sa kabila ng pagtutol, nagpapatuloy ang pagdinig habang inaasahang magpapasya ang impeachment court kung paano isasagawa ang cross-examination upang matiyak na masusunod ang wastong proseso at magiging patas ang pagdinig para sa magkabilang panig.
