Naging sentro kan enot na semana kan Impeachment Trial an mga isyung legal, konstitusyonal, asin politikal, kun saen kapansin-pansin an maigting na argumento kan magkapirang panig. Pirme na naggigibo nin mga objection an depensa mantang ipinapahiling kan prosekusyon an saindang mga ebidensya, asin napansin man an aktibong pagtaram asin pagtanos kan nagkapirang senator-judge.
Sa intrevista kan Bombo Radyo Naga kay Atty. Jojo Lacanilao (Convenor, Duterte Panagutin Network), inaasahan na mas magpopokus an masunod na mga pagdinig sa mga argumento asin ebidensya kaysa sa mga usaping procedural.
Saro sa mga pinakamahalagang isyu na tinalakay iyo an pagtanggap sa mga photocopy o duplicate copies bilang documentary evidence. Sa idalum kan 2019 Revised Rules on Evidence, puwedeng ikonsiderar na kapareho kan original an mga duplicate documents asin tanggapon bilang ebidensya sa korte, maliban na sana kung igwa nin makatwirang pagdududa sa pagiging tunay o integridad kan orihinal na dokumento. Nilinaw na an panuntunang ini para sana sa mga pagdangong sa hukuman asin dae dapat ginagamit sa ibang sitwasyon sa luwas kan korte.
Nagkaigwa man nin mainit na debate manungod sa kadakul kan mga botong kaipuhan tanganing magkaigwa nin conviction. Baga man na tradisyonal na 16 na boto an kaipuhan base sa 24 na senador, igwa nin legal na pananaw na puwedeng 15 na sana an kailangan kung ibabase ini sa 21 na functional senators. An interpretasyong ini nakakawing sa doktrinang itinakda sa kasong Avelino vs. Cuenco asin puwedeng magresulta sa pag-abot kan isyu sa Korte Suprema kung magin kontrobersyal an resulta kan botohan.
Mientrastanto, inaasahan na magiging mahalaga an masunod na mga pagdinig sa pagtestigo ninda Atty. Zuleika Lopez asin NBI Chief Melvin Matibag. Nakatutok an atensyon sa saindang mga testimonya, labi na may kinaaraman sa mga video evidence na konektado sa alegasyon kan grave threats. Inaasahan na maghihinguwa an depensa na kuwestiyunon an konteksto asin gabat kan mga nasabing ebidensya.
Nagtitinir na mahalagang kaayon kan impeachment trial an tamang interpretasyon kan mga batas, maingat na pagtimbang sa mga ebidensya, asin pagsunod sa mga probisyon kan Konstitusyon. An masunod na mga pagdingg inaasahang magigin mahalagang batayan sa pagdeterminar kan direksyon asin posibleng resulta kan kaso.
