Dae mababa sa tolong indibidwal an nagadan matapos makumpirmang nahawaan nin hantavirus sa Anzoátegui, Venezuela.
Segun sa Health Ministry kan nasabing nasyon, may duwang health worker na nagadan sa Barinas na iniimbestigaran man kun may koneksyon sa naturang virus.
Sa ngunyan, mayo pang ebidensya na may relasyon ini sa kaso kan hantavirus sa Anzoátegui.
An hantavirus karaniwang naipapasa sa tawo paagi kan mga kino, lalo na sa mga rural asin agricultural area. Posibleng maulakitan an sarong tawo kun malanghap niya an mga particles hale sa ihi, dumi, o liwoy kan mga kinong may virus, partikular sa mga kulob na lugar.
Piglinaw man kan mga awtoridad na mayo pang scientific evidence na naipapasa an virus hale sa sarong tawo pasiring sa ibang tawo sa Venezuela.
Mientrastanto, magigirumduman na tinapos na kan nakalihis na bulan kan US Centers for Disease Control and Prevention (CDC) an saindang tabang sa sarong hantavirus outbreak na may koneksyon sa sarong cruise ship sa Estados Unidos, kun sain tolong katao man an nagadan.
Segun sa CDC, an Andes virus sana an saro na klase kan hantavirus na napatunayan na puedeng maipasa sa paagi kan human-to-human contact.
