Sinabi kan piskalya kan Kamara na mawot ninda nin kalinawan hale sa Senate impeachment court manungod sa pahayag ni Senador Robin Padilla na “mayo nin deretso an piskalya na maghagad” nin sarong senador-huwes.
Segun ki House prosecutor asin Camarines Sur Rep. Terry Ridon, mawot ninda an kalinawan kun baga bawal an mag-ibong na lado na maghapot nin clarificatory questions sa mga senador-judges, lalo na kun igwang mga kahapotan na kaipuhan nin kalinawan.
Sinabi pa ni Ridon na pag-uulayan ngona kan prosecution panel kun masumiter sinda nin manifestation o mag-file nin oral manifestation.
Importante suboot ini huli ta makusog an pahayag ni Padilla na mayong deretso an piskalya na maghapot.
Sinabi niya na ini man an matao nin kalinawan sa parehong depensa asin prosekusyon.
Nanindugan an kongresista na an obligasyon na magdanay na neutral iyo sana an trabaho kan mga senador-huwes asin bako kan mga abogado kan mag-ibong na lado, huli ta adversarial an impeachment proceedings.
