Kinondena kan Trade Union Congress of the Philippines (TUCP) an petisyon na ipigsunad sa Pasig City Regional Trial Court na naghahagad na ipauntok an pagpautob kan Wage Order kan National Capital Region–Regional Tripartite Wages and Productivity Board (NCR-RTWPB).
Sigun sa TUCP, obheto kan petisyon na ipigsunad kan duwang construction firms iyo an pugulan an pagpapautob kan P85 na dagdag sa aldaw na minimum wage kan mga obrero sa Metro Manila, kabali an enot na P60 na dugang na ipinautob kan Hulyo 25.
Tinawan doon kan labor group na an lakdang na ini magpapaliban pa kan haloy nang hinahagad na umento sa suweldo kan mga obrero, sa ibong kan padagos na pagtaas kan presyo kan pagkakan, pamasahe, kuryente, paharong, asin iba pang pangangaipohan.
Inapod kan TUCP an petisyon bilang malinaw na pagpapahiling kan suboot kasakiman asin kawaran nin malasakit kan nagkapirang kumpanya sa kamugtakan kan mga manggagawang Pilipino.
