Nagkukusog pa an ebidensya sa Impeachment Case laban ki Vice President Sara Duterte matapos isumite sa Senate Impeachment Court an saiyang Bank asin Tax Records.
Piglalaoman man na masunod an report kan Anti-Money Laundering Council (AMLC).
Ini an tinawan doon ni House prosecutor asin Bicol Saro Party-list Rep. Terry Ridon, obheto kan mga dokumento an mapatunayan an alegasyon kan dae maipaliwanag na kayamanan asin an sinasabing salang paggamit kan Confidential Funds.
Segun digdi, an sunod na pagtutuunan kan prosecution iyo an paagi kan paggastos sa naturang pondo.
Binanggit man kaini an testimonya kan duwang dating LandBank branch managers na nagsabing dae pangkaraniwan an pag-encash kan P612.5 milyon na Confidential Funds.
Mientrastanto, inaasahan na mapaliwanag an mga testigo hali sa Commission on Audit (COA), National Bureau of Investigation (NBI), asin Philippine Statistics Authority (PSA)na may kinaraman sa mga Disallowance asin mga kwestiyonableng Liquidation kan Confidential Funds.
