Inaprubahan ni Presidente Ferdinand Marcos Jr an Bureau of Internal Revenue (BIR) na isumiter asin buksan an tax records ni Bise Presidente Sara Duterte asin kan saiyang agom na si Atty. Manases Carpio bilang parte kan impeachment trial. Sinabi pa kan Malacañang na an lakdang para maaraman an totoo asin susog sa ley, bako huli sa pulitika.
Isinumitir kan BIR an mga dokumento sa Senado sa mga selyadong kahon makalihis na makaresibe nin permiso hale sa Presidente. An BDO asin Metrobank nagsumiter man nin mga subpoenaed bank records, mantang naghahalat nin report hale sa Anti-Money Laundering Council (AMLC).
Mientrastanto, nangapudan an People’s Assembly ki Presidente Marcos na siertohon na madagos an impeachment trial asin mag-implementar nin tunay na reporma. Pigduon kan grupo na kulang sa kongkretong solusyon an nakalihis na State of the Nation Address (SONA) asin dapat na enoton an accountability asin makahulugan na pagbabago.
