Nangapudan ning tabang an Philippine Coast Guard (PCG) sa publiko para sa impormasyon na makakatabang sa paghahanap sa sarong 80-anyos na lalaki na nawawara makalihis sumakay sa ferry haling Batangas pasiring Oriental Mindoro.
Binisto kan Coast Guard an nawawarang pasahero na si Petronilo “Nilo” Mendiola Aranda, 80-anyos, asin residente kan Barangay Loob, Mataas na Kahoy, Batangas.
Segun sa PCG, nakumpirma kan Coast Guard Sub-Station Batangas City na kabali si Aranda sa passenger manifest kan MV FastCat M19, na naghali sa Batangas Port pasiring Calapan City, Oriental Mindoro kan Hulyo 29.
Inilarawan si Aranda na may langkaw na 5 feet 3 inches. Huri siyang nahiling na nakasulot nin itom na Hollister cap, abong polo shirt, asul na maong, asin itom na sapatos.
Padagos na nakikipag-ugnayan an Coast Guard sa mga lokal na awtoridad asin iba pang ahensya kan gobyerno tanganing maaraman an kinaroroonan kan senior citizen asin matawan ning kaukulang tabang an saiyang pamilya.
Nangangapudan man ang PCG sa si isay man may impormasyon manungud kay Aranda na tulos makipag-ugnayan sa pinakaharaning Coast Guard station o sa mga lokal na awtoridad.
