Nalamangan kan Swiss tennis star na si Belinda Bencic an Filipina tennis star na si Alex Eala, 6-4, 6-0, sa saindang Round 16 match sa 2026 Canadian Open sa Toronto.
Magayon an naging puon ni Eala sa laban makalihis makakua nin apat na sunod na puntos tanganing makua an inot na game, 1-0. Tulos mang nakabawi si Bencic asin nagtala man nin apat na sunod na puntos tanganing itabla an kawat sa 1-1. Nakakua man siya nin break sa 2-1 makalihis samantalahio an second serve ni Eala asin pirang errors kan Filipina.
Nakabawi si Eala asin nag-break tanganing itabla an laban sa 2-2, alagad giraray nag-break si Bencic tanganing manginot, 3-2.
Napalawig kan Swiss veteran an saiyang kalamangan sa 4-2 huli sa matatag niyang serbisyo. Alagad, giraray nakabawi si Eala asin nag-break tanganing itabla an set sa 4-4.
Alagad giraray nanginot si Bencic, 5-4, bago dagusang isinara an inot na set sa iskor na 6-4, makalihis maging epektibo an saiyang mga serve asin second-shot winners.
Naging dominado man ni Bencic sa ikaduwang set. Tulos siyang umabante sa 2-0 asin pinalangkaw ini sa 5-0 bago dagusang nyang tapuson an set, 6-0.
Huli digdi, dagusan nang natapos an kampanya ni Eala sa National Bank Open makalihis siyang daugon ni Bencic.
Nag abot an Toronto exit ni Eala sarong semana makalihis niyang makaua an pinaka inot niyang WTA title sa Washington.
Sunod na maduman si Eala sa Cincinnati para sa saro pang WTA 1000 tournament bago an US Open.
