Dakulang marhay an tabang kan asosasyon kan mga parasira sa Barangay Cagsao, Calabanga, Camarines Sur.
Sa intrevista kan Bombo Radyo Naga ki Enrique Tapar, sarong parasira, sinaysay kaini na 20 anyos pa sana ini kan makanood na maglawod sa dagat asin hasta sa ngunian na pamilyado na, an pagsira na an ikinabubuhay kan saiyang pamilya.
Segun digdi, labi sa sanggatos (100) an miyembro kan asosayon asin tuyong primerong Domingo kan bulan, nagkakaigwa nin pagtiripon tanganing pag-urulayan kun ano an mga problemang dapat na masolusyunan kan mga parasira asin tanganin mas matabangan pa an sektor kan parasisira sa Barangay.
Dugang pa ni Tapar na dakulang hamon sa mga parasira tuyong maraot an panahon o igwa nin kalamidad. Kun minsan marhay an kita asin kun minsan man maluya huli nakadepende an saindang kita urualdaw sa panahon.
