Nagmobilisa na an mga emergency response team asin boluntaryo an Philippine Red Cross (PRC) tanganing magpaabot nin saklolo sa mga pamilyang apektado nin padagos na pag-uran dara nin habagat sa iba’t ibang parte nin Luzon asin National Capital Region (NCR).
Mula kaitong August 11, 2026, nakapagtao na nin tabang an PRC sa 113 indibidwal asin na-rescue an 32 katao, mantang nagtindog naman nin 42 first aid station asin nagdeploy nin pitong ambulansya para sa mga nangangaipuhan nin bulong asin painot na lunas.
Bukod sa tubang-medikal asin rescue operations, nakapamahagi na din an organisasyon nin hasta 5,000 hot meals, libo-libong pakete nin tinapay, asin malinig na tubig, mantang naglaag din nin Child-Friendly Spaces asin nagtao nin hygiene kits sa mga evacuation center.
Tiniyak ni PRC Chairman asin CEO Richard Gordon na nakahanda an saindang humigit-kumulang 573 kawani asin boluntaryo na magpaabot nin tabang saenman ini kaipuhan mantang binabantayan an sitwasyon.
Kasabay kaini, pinaalalahanan kan PRC an publiko na magtinir na alerto, sumunod sa mga payo kan lokal na pamahalaan, asin tulos na maglikas kun nagsugo an mga awtoridad.
