Padagos an preparasyon kan Commission on Elections (COMELEC)-Buhi para sa Barangay asin Sangguniang Kabataan Elections (BSKE) na ikukundusir sa Nobyembre 2, 2026, sa ibong kan mga proposal na ipa-uktaba an pirilian.
Sa intrevista kan Bombo Radyo Naga ki Perfecto V. Llanza Jr. – Election Officer IV, Comelec-Buhi, mayo pa nin ley o orden na nag-oorden kan pag-oktaba kan BSKE, kaya padagos an saindang preparasyon. Igwa man suboot nin malinaw na direktiba an opisina sentral kan COMELEC na ipadagos an preparasyon sagkod na igwa pang pinal na ley o Temporary Restraining Order hale sa Korte Suprema.
Kabali sa preparasyon kan opisina an mga pre-filing briefing para sa mga potensyal na kandidato, paglinig kan mga rekord kan mga botante, paggibo nin grupo nin mga trabahador sa eleksyon, asin pakikipagkoordinar sa LGU asin PNP para sa seguridad asin logistics. An pag-file kan Certificate of Candidacy nakatalaan man na magpoon sa Setyembre 28.
Mientrastanto, sinabi ni Lianza na padagos nindang pig-eenkaminar an mga botante na magdanay na interesado asin magpartisipar sa eleksyon tanganing malikayan an voter apathy dara kan bareta na posibleng i-oktaba an BSKE. Padagos man an saindang pagbisita asin pag-inspeksyon sa mga eskwelahan na gagamiton na polling center.
Sa ngunyan, nanindugan an COMELEC-Buhi na Nobyembre 2, 2026 pa man giraray an nakatalaan na petsa para sa BSKE. Inenkaminar ni Lianza an mga residente, kandidato, asin election workers na padagos na bantayan an mga opisyal na anunsyo kan COMELEC mantang padagos an preparasyon para sa pirilian.
