Pig-esplikar kan tagapagtaram kan DepED Camarines Sur an importansya kan pagbalanse kan Artificial Intelligence may Positibo asin Negatibong epekto sa mga Estudyante asin mga paratukdo.
Sa intrevista kan Bombo Radyo Naga kay Salvador Bogs Pelingon – Division Information Officer, DEPED-Camarines Sur, sinaysay kaini na may pigpautob na nin DepEd Order 3 Series of 2026 manungod sa paggamit nin Artificial Intelligence sa pampublikong eskwelahan. An paggamit nin artificial intelligence sa eskwelahan sa pag klase arog kan mga digital tools sinusuportahan alagad may mga limitasyon, kaya nireregulate an DepEd Order 3 Series of 2026.
Segun kay Pelingon dakul pa din disparity sa mga lugar na considered na geographic isolated kun saen dakulang challenges ini , huli may sitwasyon pag abot sa signal tanganing maksubmit nin report o magkakanigong mga updates sa eskwelahan. Dawa may mga technology na alagad igwa pa man giraray mga lugar na isolated.
Sa paggamit man kan AI igwang inaapod na Teacher guided activities boot sabihon yaun sa laog an maestra asin estudyante, tanganing nahihiling an activity. Kun sakali man na maggamit an estudyante asin maestra nin AI dae pwede ining arion huli intellectual property, kaya sa DepED Order 3 pinagbabawalan an magaramit nin AI.
Dugang pa kaini na apwera sa DepED Order 3 may DepED Order 6 man na inaapod kun saen dae pwedeng maggamit an maestra asin estudyante nin gadgets mantang nasa proseso nin pag aadal.
May mga online activities din na tinatao sa maestra para sa paggamit nin AI bagamat kaipuhan pa nin additional na training lalong lalo na sa DepEd Order no.3.
Sinabi pa kaini na kaipuhan an ethics o ethical standard huli bakong suba an paggamit kan AI dapat regulated,kaipuhan na manuudan an AI asin an mga Dont’s o mga dapat iwasan.
Dagdag pa kaini na dae makontrol an paggamit kan Ai, Ini an bagay na dae makokontrol na kun saen pwede din ining maging threat kun saen magigin kulang na an man power asin may AI na din an nagtutugdo.
Tinawan-duon ni Pelingon na gabos na technological breakthrough may positibo asin negatibo kaya pag atir atiron kun makakatabang an mga ini. Para sa mga paratukdo hilingon kun sain ini nakakapadali o nakakatabang alagad kun ini nagtatao nin negatibo kinakaipuhan na limitahan man giraray ini para na din maiwasan an negative impacts.
