Nag-abot na sa New York si Alex Eala tanganing ipadagos an saiyang preparasyon para sa US Open. Nagpraktis na siya sa Arthur Ashe Stadium kaiba an saiyang grupo.
Pigmasdan siya kan coach sa Rafael Nadal Academy na si Joan Bosch mantang nag-eensayo, orog na sa pagpauswag kan saiyang backhand shot.
Si Eala maglalaro sa mixed doubles kan Agosto 24 kaiba an World No. 4 na si Felix Auger-Aliassime kan Canada.
Nasa No. 18 si Eala sa WTA rankings asin inaasahang magigin seeded player sa US Open main draw. Nagkaigwa man siya nin halawig na pahingalo tanganing makabawi.
Target ni Eala na malampasan an ikaduwang round na saiyang naabot kan nakaaging taon. Ngonian, mas halangkaw an moral niya matapos an magayon na performance sa Wimbledon asin Mubadala DC Open.
