Suportado kan Malacañang an posibilidad na ipagbawal an Facebook asin iba pang online gaming platforms sa tahaw kan sunod-sunod na insidente nin kadahasan sa mga eskwelahan sa nasyon.
Segun ki Presidential Communications Office (PCO) Undersecretary Claire Castro, panahon na tanganing pag-adalan kun marahay pa man giraray para sa nasyon an social media platform na Facebook o nakakadagdag sana sa paglakop kan fake news.
An reaksyon ni Castro makalihis na ianunsyo kan Cybercrime Investigation Coordinating Council (CICC) na pigkokonsidera kaini an mga suhestiyon na ipagbawal an Facebook sa Pilipinas, kasunod kan mga kaso na may relasyon sa violence sa mga eskwelahan.
Tinawang-duon kan opisyal na bukas an Palasyo sa ideya na ipagbawal an ano man na gaming o social media platform na nakakadanyar sa mga jovenes asin sa nasyon, urog na kun dai ini nagpapahiling nin accountability asin maluway sa pag-akto sa mga kahagadan kan gobyerno ngani na maprotehiran an publiko.
Kun dai man ini suboot makakatabang sa pagprotehir sa mga jovenes, mas marhay na hilingon kun dapat pa man giraray sindang magdanay sa sistema kan nasyon.
