Nagpagirumdom si Romeo Briones – Easttoda President, sa mga driver na magin maingat asin responsable sa maabot na Peñafrancia Festival.
Sa intrevista kan Bombo Radyo Naga ki Romeo Briones – Easttoda President, pinagirumduman kaini an gabos na miyembro kan mga nagpapasada na magin maingat asin responsable lalo na sa maabot na okasyon nin Peñafrancia Festival, kun sain inaasahan an pagdagsa kan mga pasahero asin mga bisita. Sinabi pa kaini na importanteng sundon an mga patakaran asin likayan an mga gibo na ipinagbabawal tanganing maprotektahan an seguridad asin kaayusan kan gabos, lalo na sa mga lugar na posibleng magin matao.
Segun ki Briones, an kada traysikel na nag-aagi sainda ay inaayos o pigpapakarhay, arog kan mga guma asi pig pipinturahan man tanganing masiguro na magayun, malinig, asin nasa maayos na kondisyon an mga traysikel na ginagamit nin mga pasahero.
An sainda man magigin sistema ay masunod na lamang gobyerno kun ano an magigin routine, kun sain pwede magbyahe huli iyo man ini kaipuhan na isunod, asin kun may mga bawal na agihan dae naman pwede sinda mag dagos huli matiticketan.
An magigin sistema kan mga tricycle driver iyo an mahigpit na pagsunod sa mga itatakda kan gobyerno, partikularmente sa magigin rutina asin mga lugar na papayagan sindang magbiyahe. Kun may mga tinampo na ipagbabawal na agihan, ini man iiwasan, tanganing malikayan an pagkaproblema o matiketan.
Pig pagirumduman kaini an mga miyembro na dae mag-overcharge o maglangkaw nin pamsahe sa mga pasahero, tanganing malikayan an mga reklamo asin posibleng komplikasyon sa biyahe.
