Pigladawan ni House Deputy Speaker asin La Union Rep. Paolo Ortega V bilang “Exciting” asin “Explosive” an nakatalaan na presentasyon kan ebidensya kontra ki Vice President Sara Duterte manungod sa alegasyon kan unexplained wealth.
Hinimok ni Ortega an publiko na tutukan an mga masunod na pagdangog sa impeachment trial, orog na ta dakulang kantidad nin kwarta an nag-agi suboot sa mga bank account ninda Duterte asin kan saiyang agom na si Atty. Manases Carpio, base sa mga rekord na isinumite kan mga bangko sa Anti-Money Laundering Council o AMLC.
Nakatalaan na puonan kan prosecution sa Setyembre 14 an presentasyon kan labi sa 1,800 na dokumento, kaiba an mga bank asin insurance records.
Siring man, sinabi ni House prosecutor asin Manila Rep. Joel Chua na bakong gabos na bank records an ilalatag tanganing dai maghaloy nin husto an paglilitis asin pipilion sana an mahahalagang dokumento.
Segun ki Chua, makakatabang an full-day hearings para maparikas an presentasyon kan ebidensya sa unexplained wealth asin bribery articles.
Tinitantya na duwa o posibleng tulong testigo an maihahampang kan prosecution kada aldaw, depende sa takbo kan mga pagdangog.
