Apektado an presyo kan mga paninda kan bagong oil price hike huli sa gastos sa transportasyon, produksyon, asin agrikultura na nagdedepende sa petrolyo para idara an mga produkto hali sa umahan asin pabrika pasiring sa mga saodan.
Sa mga sira, an kada kilo kan bangus nagpapapakol P160 sagkod P200, mantang an tilapia nasa P120 sagkod P150. An galunggong man nagkakahalaga nin P180 sagkod P240 depende kun lokal o imported.
Sa karne, an orig nagpapakol sa P320 sagkod P400, mantang an whole nasa P180 sagkod P210.
Mantang, sa mga gulay na parating sangkap sa kusina, parehong nasa P80 sagkod P100 an sitaw asin talong; P80 sagkod P120 an pechay, repolyo, asin sibuyas; P60 sagkod P90 an kamatis; asin P90 sagkod P130 man an kada kilo kan bawang.
Piglalaoman na maabot sagkod Disyembre an paglangkaw kan presyo kan mga produktong petrolyo, segun ki DOE Secretary Sharon Garin.
Pig-asegurar kan DOE na dai maabot sa P20 kada litro an dugang na presyo sa kada paghiro kaini.
