Nag-apelar si Navotas Representative Toby Tiangco sa administrasyon ni Marcos na aksyonan na an sunod-sunod na dakulang paglangkaw kan presyo kan mga produktong petrolyo.
Pangapudan kan batikang mambabatas, panahon na tanganing suspendihon o bawasan an excise tax sa mga produktong petrolyo tanganing maibsan an epekto kan padagos na paglangkaw kan presyo nin langis.
Irinerokomenda kan mambabatas an paggamit kan kapangyarihan kan gobyerno sa irarom kan Republic Act No. 12316 para pansamantalang suspendihon o bawasan an excise tax sa petrolyo.
Segun ki Tiangco, bakong sana an mga motorista an apektado huli ta pwedeng maglangkaw man an gastos sa pamasahe, pagkakan, delivery, asin iba pang pangenot na pangangaipo.
Panahon na daa tanganing mag-interbenir an gobyerno asin tabangan an publiko sa labi-labing epekto kan halangkaw na presyo kan mga produktong petrolyo.
Kun babalikan, sunod-sunod na semana an nagpatupad an mga petroleum companies nin price hike kun sain sa laog sana nin tulong semana, uminabot na sa P18.31 kada litro an itinaas kan diesel; P15.25 sa gasolina, asin P16.67 sa kerosene.
